२८ जेठ २०८३, बिहीबार
नेपालविरुद्ध टस जितेर ब्याटिङ रोज्दै आक्रामक शुरूआत गरेको सिंगापुर सुस्ताएको छ । आइसिसी टी-२० विश्वकप एसिया क्वालिफायरमा सिंगापुरले नेपालविरुद्ध पावरप्लेलेको ६ ओभरमा एक विकेट गुमाएर ५२ रन बनाएको थियो ।
तर ६.५ ओभरमा लेग स्पीनर सन्दीप लामिछानेले सुरेन्द्रन चन्द्रमोहनलाई ६ रनमा आउट गरे ।
लगत्तैको ७.१ ओभरमा गुल्सन झाले आक्रामक रन बनाएका रोहन रंगराजनलाई ४६ रनमा आउट गरे ।
रोहनले ३० बलमा ४६ रन बनाउँदा ९ चौका र १ छक्का प्रहार गरेका थिए । यही ओभरको ५ औं बलमा गुल्सनले अमत्र्य कौललाई शून्य रनमा आउट गरेपछि नेपाल खेलमा फर्किएको हो ।
१० ओभरको समाप्तिमा सिंगापुरले ६६ रन जोड्दा चार विकेट गुमाइसकेको थियो । एघारौं ओभरको खेल चलिरहँदा सिंगापुरले पाँचौं विकेट गुमाएको छ । पाँचौं विकेट पनि सन्दीपले लिएका हुन् ।
नेपालका लागि करण केसीले शुरूआती सफलता दिएका थिए । उनले दोस्रो बलमै विकेट लिएका थिए ।
अहिले खेल नेपालको नियन्त्रणमा आइसकेको छ ।
