विराटनगर ११ मा रहेको  पशुपति ज्वलर्सबाट बरामद गरेको चाँदीमा सुन समेत रहेको खुलेको छ । 

चाँदी तौलिने क्रममा १३ तोला भन्दा केही बढी सुन (१५३.८ ग्राम) समेत भेटिएको विराटनगर भन्सार कार्यालयका सूचना अधिकारी पर्शुराम दाहालले जानकारी दिए । यसैगरी चाँदी ९९ किलो ९९४.५ ग्राम रहेको पुष्टि भएको छ । 

प्रहरीले उक्त ज्वेलर्सका सञ्चालक विश्वजीत जानालाई नियन्त्रणमा लिएको छ । पक्राउ परेका सञ्चालकलाई विराटनगर भन्सार कार्यालयमा राखिएको छ ।  पक्राउ परेका जाना भारतीय नागरिक हुन् । 

विराटनगर भन्सार कार्यालय, मोरङ प्रहरी र सशस्त्र प्रहरीले संयुक्त रूपमा छापा हानेर चाँदी बरामद गरेको हो । सो चाँदी राष्ट्र बैकमा बुझाउने  सूचना अधिकारी दाहालले बताए ।  यसअघि ४० किलो चाँदी भनिएपनि तौलिँदा धेरै पाइएको बताइएको छ ।