×

चाडबाड लक्षित चलचित्र

नेपाली चलचित्रका लागि तिहारः होला दशैंजस्तै फापसिद्ध ?

काठमाडाैं | कात्तिक २२, २०८०

यसपालिको दशैं नेपाली चलचित्र (फिल्म)का लागि सफल रह्यो । दशैंको अवसर पारेर प्रदर्शनमा आएका ‘परदेशी २’ र ‘पशुपतिप्रसाद २ः भस्मे डन’ दुवै फिल्मले राम्रो व्यापार गरे । घरेलु बक्स अफिसमा यी फिल्मले ७ करोडमाथिको व्यापार गरिसकेको निर्माण पक्षको दाबी छ । दुवै फिल्म अहिले पनि हलमा प्रदर्शनरत छन् । 

दशैं नेपाली फिल्मका लागि फलिफाप रहँदा अबको चासो तिहारलाई लिएर छ । तिहारको अवसर पारेर यही शुक्रवारबाट निश्चल बस्नेतको निर्देशन रहेको फिल्म ‘दिमाग खराब’ प्रदर्शनमा आउँदैैछ । 


Advertisment

‘लुट’जस्तो सफल र यादगार फिल्म दिएका बस्नेतको यो झण्डै ७ वर्षपछिको ‘कमब्याक’ फिल्म हो । त्यसमाथि दयाहाङ राई, खगेन्द्र लामिछाने, स्वस्तिमा खड्काजस्ता चर्चित कलाकारहरूको अभिनय रहेका कारण पनि यो फिल्म थप प्रतीक्षित छ । फिल्मले राम्रो हाइप बनाएको छ । मल्टिप्लेक्सदेखि सिंगल स्क्रिनसम्मका हलहरूले फिल्मलाई राम्रा ‘शो’ उपलब्ध गराएका छन् । 


Advertisment

हाइप र यसले पाएको शोहरूका आधारमा फिल्मले बक्स अफिसमा राम्रो कमाइ गर्ने प्रक्षेपण गरिएको छ । लामो तिहार बिदाको फाइदा समेत फिल्मले उठाउनुपर्नेछ । जुन दबाब पनि फिल्मलाई छ । यद्यपि, राम्रो व्यापारका लागि फिल्मको ‘वर्ड अफ माउथे’ भने बलियो हुनुपर्नेछ । 

हल सञ्चालकहरु दशैंजस्तै तिहारमा पनि नेपाली फिल्मले दर्शक तान्ने विश्वास व्यक्त गर्छन् । 

फिल्म हल सञ्चालकहरूको छाता संस्था नेपाल चलचित्र संघका महासचिव नरेन्द्र महर्जन तिहारमा ‘दिमाग खराब’ले राम्रो व्यापार गर्ने विश्वास लिएको बताउँछन् । ‘दशैंमा नेपाली फिल्म राम्रो चले । तिहारमा पनि राम्रो चल्ने विश्वास छ,’ उनले लोकान्तरसँग भने । 

तिहारको अवसर पारेर विदेशी फिल्महरूसमेत प्रदर्शनमा आउँदैछन् । ‘दिमाग खराब’ प्रदर्शनकै दिन शुक्रवारबाट हलिउडको सुपरहिरोइन फिल्म ‘द मार्वल्स’ पनि प्रदर्शनमा आउँदैछ । यो पनि प्रतीक्षित मानिएको फिल्म हो । त्यसको दुई दिनपछि आइतवारबाट सलमान खान स्टारर बलिउड फिल्म ‘टाइगर ३’ प्रदर्शनमा आउँदैछ । विदेशी फिल्म पनि प्रतीक्षित मानिएका कारण नेपाली फिल्मलाई चुनौती रहेको विश्लेषण समेत हुने गरेको छ । हल सञ्चालकसमेत रहेका महर्जन भने तिहारमा पनि विदेशीभन्दा नेपाली फिल्म बढी चल्ने विश्वास व्यक्त गर्छन् । 

‘दशैंमा विदेशीभन्दा नेपाली फिल्म नै बढी चलेका थिए । तिहारमा पनि नेपाली फिल्म बढी चल्ने विश्वास लिएको छु । रिभ्यू राम्रो आयो भने नेपाली फिल्म नै बढी चल्छ भन्ने लाग्छ,’ महर्जनले भने । 

क्यूएफएक्स सिनेमाजकी व्यापार विकास प्रमुख तृप्ति गिरी भने तिहारमा प्रदर्शनमा आउने ३ वटै फिल्मले राम्रो व्यापार गर्ने विश्वास लिएको बताउँछिन् । ३ वटै फिल्म प्रतीक्षित मानिएका कारण क्यूएफएक्समा शो संख्या पनि बराबरजसो दिने उनको भनाइ छ । 

‘हाम्रो अपेक्षा सबैले राम्रो गर्छन् भन्ने हो । बाँकी त फिल्मको ‘वर्ड अफ माउथ’मा भर पर्छ,’ उनले भनिन् । 

यता, ‘दिमाग खराब’का निर्माताले भने फिल्मले व्यापारमा नयाँ रेकर्ड कायम गर्ने विश्वास लिएका छन् । निर्माता रौनकविक्रम कँडेलले केही दिनअघि आयोजित पत्रकार सम्मेलनमा फिल्मको व्यापारलाई लिएर भनेका थिए – ‘यसपालि रेकर्ड नै ब्रेक गर्ला भन्ने अपेक्षा राखेका छौं ।’ 

घरेलु बक्स अफिसमा सर्वाधिक कमाइको कीर्तिमान ‘कबड्डी ४’को नाममा छ । उक्त फिल्मले राखेको २२ करोड कमाइको कीर्तिमान तोड्ने विश्वास ‘दिमाग खराब’का निर्माता कंँडेलले लिएका हुन् । ‘दिमाग खराब’ सामाजिक–राजनीतिक कथामा बनेको फिल्म हो । दयाहाङ, खगेन्द्र र स्वस्तिमाका अलवा अर्पण थापा, विजय बराल, सुमन कार्की, पुश्कर गुरुङ, माओत्से गुरुङलगायतका कलाकारको समेत फिल्ममा अभिनय छ ।
 

बैशाख ६, २०८१

यतिबेला भारतमा बलिउडका स्टार अभिनेताहरूमाथि सुरक्षा खतरा बढेको छ । सलमान खानपछि शाहरख खानमाथि पनि सुरक्षा खतरा बढेको भारतीय सञ्चारमाध्यमहरूले जनाएका छन् ।  केही दिनअघि मुम्बईस्थित सलमानको घरबाहिर फ...

बैशाख ५, २०८१

कवि उपेन्द्र सुब्बाको दोस्रो निर्देशकीय फिल्म ‘मनसरा’को ट्रेलर सार्वजनिक भएको छ ।  काठमाडौंमा बुधवार आयोजित एक कार्यक्रमबीच सार्वजनिक ट्रेलर सार्वजनिक गरिएको हो । चार मिनेट लामो ट्रेलरमा य...

कात्तिक २८, २०८०

अहिलेका सर्वाधिक हिट अभिनेता हुन् दयाहाङ राई । उनि अभिनीत एकपछि अर्को फिल्मले हलमा राम्रो व्यापार गरेका छन् ।  यसवर्ष पनि उनको शीर्ष भूमिका रहेको ‘जारी’ र ‘नाङ्गो गाउँ’ले राम्र...

फागुन २७, २०८०

अभिनेता प्रदीप खड्का फेरि अर्को फिल्ममा अनुबन्धित भएका छन् । लामो समयदेखि बेलायत बस्दै आएका निर्देशक प्रदीप शाहीको निर्देशनमा बन्ने नयाँ फिल्ममा उनको शीर्ष भूमिकामा अभिनय रहने भएको हो ।   गतवर्ष प्रदर्शनमा...

कात्तिक १९, २०८०

अभिनेता राजेश हमालबारे नकारात्मक टीकाटिप्पणी कमै हुने गरेको छ ।  सामाजिक सञ्जालमा पनि उनीबारे आलोचना गरेको खास्सै पाइँदैन । तर, यसपटक भने फेसबुक पोष्टमा राजेशले आलोचना खेपेका छन् । उनले फेसबुकमा ...

असोज ३०, २०८०

बडा दशैँको अवसर पारेर गत शुक्रवारबाट प्रदर्शनमा आएको नारायण रायमाझी निर्देशित चलचित्र ‘परदेशी २’ले दर्शकबाट सुखद् प्रतिक्रिया पाइरहेको छ ।  हलबाट निस्किँदै गरेका दर्शकहरूले आजको नेपाली समा...

मुलुक सुशासनतिर अघि बढेको हो ?

मुलुक सुशासनतिर अघि बढेको हो ?

असार ५, २०८१

जबसम्म भ्रष्टाचार, अनियमितता र बेथिति रहन्छ, तबसम्म मुलुक सुशासनतिर जाँदैन । जबसम्म सुशासन कायम हुँदैन, तबसम्म मुलुक समृद्धितिर अघि बढ्दैन । सारमा भन्नु पर्दा समृद्धि पैसा वा धन सम्पत्ति मात्र होइन । समृद्धि जब हु...

संघीयताकै औचित्यमा प्रश्न उठेका बेला प्रदेशले कस्तो ल्याउनुपर्छ बजेट ?

संघीयताकै औचित्यमा प्रश्न उठेका बेला प्रदेशले कस्तो ल्याउनुपर्छ बजेट ?

जेठ ३२, २०८१

कानूनअनुसार असार १ प्रदेश सरकारले आ–आफ्नो सभामा बजेट प्रस्तुत गर्ने दिन हो । नेपालको संविधान र कानूनले बजेट प्रस्तुत गर्ने समय तोकिदिएको छ । यसरी बजेट प्रस्तुत गर्ने दिन नै तोक्नुका २ कारण छन् । पहिलो, तह...

कहाँ हरायो कांग्रेस महासमितिको निर्णय ?

कहाँ हरायो कांग्रेस महासमितिको निर्णय ?

जेठ ३१, २०८१

अढाइ वर्षअघि नेपाली कांग्रेसको १४औं महाधिवेशन नेतृत्व मात्र चयन गरी ६ महिनाभित्र नीति महाधिवेशन आयोजना गर्ने र आवश्यक निर्णय लिने निष्कर्षमा पुगेको थियो । तत्पश्चात् निकै लामो समय पार्टीभित्र र बाहिर नीति महाधिवे...

x