टाटा मोटर्सको नेपालका लागि आधिकारिक बिक्रेता सिप्रदी ट्रेडिङ्ग प्रालिले कामका लागि विदेश जान लागेका युवाहरूलाई लक्षित गर्दै 'टाटा मोटर्स स्वावलम्बी अभियान २.०' ल्याएको छ ।

यस अभियान अन्तर्गत ग्राहकहरूले टाटा एस वा टाटा इन्ट्रा मात्र २ लाखको डाउनपेमेन्टमा खरिद गर्न सक्नेछन् । साथै देशमै रही आफ्नो साथी भाइ र परिवारको साथ रोजगारीरव्यवसायको अवसर सिर्जना गर्न सक्नेछन् र स्वाभिमानी भई जीवन निर्वाह गर्न सक्ने कम्पनीले जनाएको छ। ​

सिप्रदी ट्रेडिङ्ग कमर्सियल भेहिकल विजनेस युनिटका सिनियर जेनेरल म्यानेजर अनुपमणि ढकालले अहिलेको कठिन आर्थिक अवस्थामा स्वदेशमै केही गर्न चाहने युवाहरूका लागि अभियान राम्रो अवसर हुने विश्वास व्यक्त गरे ।

यो योजना सार्वजनिक भएको केही दिन मात्र हुँदा पनि सोधपुछ गर्ने ग्राहकको संख्या उल्लेख्य रहेको उनले बताए ।

यस अघि कोभिडका बेला पनि वैदेशिक रोजगारमा गएका कैयौं नेपालीलाई घर फर्काइँदा सिप्रदीले स्वरोजगारको लागि यस्तै स्वावलम्बी अभियान सञ्चालन गरेको थियो।

बजारको माग र देशबाट युवा तीव्र रुपमा पलायन भएको अवस्थालाई मध्यनजर गर्दै यस्तो अभियान चलाएको कमर्सियल भेहिकल विजनेस युनिटका सहायक जीएम दिवसबाबु सुवेदी बताए ।

कुन गाडीमा कति वर्षको किस्ता बन्छ, फाइनान्समा कति प्रतिशत ब्याज लाग्छ जस्ता विस्तृत जानकारीका लागि सिप्रदी ट्रेडिङ्गको नजिकको शोरुम वा ९८०११०७६०० मा मिसकल गर्न सकिने कम्पनीले जनाएको छ ।