०५ साउन २०८३, मंगलबार
नेकपा (एमाले)का अध्यक्ष केपी शर्मा ओलीले पाँचथरको चिवाभञ्ज्याङ पुगेपछि पहिलो प्रतिक्रिया दिएका छन् ।
उनले आइतवार अपरान्ह त्यहाँ पुगेसँगै पहिलो प्रतिक्रियास्वरुप नेपाल टेलिकमको नेटवर्क टिप्ने जानकारी सामाजिक सञ्जालमार्फत दिएका हुन् ।
'चिवाभञ्ज्याङ पुगियो । नेपाल टेलिकमको नेटवर्क टिप्दोरहेछ,’ उनले फेसबूकमा लेखेका छन् ।
साथै त्यहाँ पुगेपछि एमाले नेता–कार्यकर्ताले चिवाभञ्ज्याङको जंगे पिलरमा राष्ट्रिय झण्डा फहराएका थिए ।
सुदूरपश्चिमको बैतडीस्थित झुलाघाटबाट शुरू भएको प्रमुख प्रतिपक्षी दल एमालेको समृद्धिका लागि मध्यपहाडी संकल्प यात्रा आइतवार सुदूरपूर्वको पाँचथरमा रहेको चिवाभञ्ज्याङमा गएर टुंगिदै छ ।
गत मंसिर १४ गते थालनी भएको संकल्प यात्रा १८ दिनपछि आइतवार टुंगिन लागेको हो ।
शनिवार एमालेले पाँचथर सदरमुकाम फिदिममा यसअघिको अन्तिम सभा गरेको थियो ।
त्यहाँ आयोजित कार्यक्रमलाई शनिवार दिउँसो एमाले अध्यक्ष तथा पूर्वप्रधानमन्त्री केपी शर्मा ओली सम्बोधन गरेका थिए ।
जहाँ उनले राष्ट्रिय स्वाधीनताको रक्षा, विकास र समृद्धिका लागि आसन्न २०८४ को आमनिर्वाचनमा एमालेलाई बहुमत दिएर एकमनाको सरकार बनाउने ठाउँमा पुर्याउन आग्रह गरेका थिए ।
आफ्नो जन्मजिल्ला तेह्रथुमका बासिन्दासँग प्रत्यक्ष भेटघाट गरी उनी फिदिम पुगेका थिए ।
