२६ जेठ २०८३, मंगलबार
बलात्कार मुद्दामा फरार रहेका व्यक्ति इन्टरपोलको सहयोगमा कुवेतकाबाट पक्राउ परेका छन् ।
पक्राउ पर्नेमा काभ्रेपलान्चोक चौंरीदेउराली गाँउपालिका – ८ घर भएका ३१ वर्षीय उमेश लामा छन् ।
नेशनल सेन्ट्रल ब्यूरो (एनसीबी) कुवेतको समन्वयमा पक्राउ परेका उनलाई सम्बन्धित मुद्दामा कारबाहीका लागि मंगलवार नेपाल ल्याइएको छ ।
लामाविरुद्ध प्रहरी वृत्त जगाती भक्तपुरमा जबरजस्ती करणी मुद्दा दर्ता भएको थियो । अनुसन्धानको क्रममा उनी वैदेशिक रोजगारीका लागि कुवेतमा रहेको खुलेपछि इन्टरपोलबाट रेड नोटिस जारी गरिएको थियो ।
उनीविरुद्ध २०८० असोज ११ गते रेड नोटिस जारी भएको थियो ।
थप अनुसन्धान भइरहेको प्रहरीले जनाएको छ ।
