१० असार २०८३, बुधबार
सशस्त्र प्रहरी बलले स्रोत नखुलेको १६ लाख १० हजार रुपैयाँ नगदसहित विराटनगरबाट १ जनालाई समातेको छ ।
विराटनगर– १५ रानीका ४० वर्षीय लक्ष्मणप्रसाद साहलाई नियन्त्रणमा लिइएको हो ।
साहले चढेको १९ प ४४३४ नम्बरको मोटरसाइकल पनि नियन्त्रणमा लिइएको सशस्त्रले जनाएको छ ।
उनको साथमा १ हजार दरका ८८५ थान, ५०० दरका १६९ थान, १०० दरका ९०० थान, ५० दरका ५ थान, २० दरका १२ थान र १० दरका १ थान नोट रहेको सशस्त्रको भनाइ छ ।
साहलाई छानबिनका लागि राजश्व अनुसन्धान कार्यालय, इटहरीमा बुझाइएको छ ।
