नेपाली अटोमोबाइल व्यवसायीहरूको छाता संस्था ‘नाडा अटोमोबाइल एसोसिएसन नेपाल’को अध्यक्षमा करण चौधरीलाई पूर्वउपाध्यक्ष नवराज डल्लाकोटीको पनि समर्थन जुटेको छ ।  

बिहीवार चौधरी, आकाश गोल्छा र प्रकाश कपुरीबीच कुरा मिलेपछि डल्लाकोटीको पनि सहमति जुटेको हो ।

यसअघि अध्यक्षमा चौधरी र वरिष्ठ उपाध्यक्षमा कपुरी हुने तय भएको थियो । पछिल्लो समयमा सो सहमतिविरुद्ध नाडाका पूर्वउपाध्यक्ष डल्लाकोटीले अध्यक्षमा उम्मेदवारी दिने घोषणा गरेपछि फेरि चुनावी पक्रियामा जानुपर्ने अवस्था सिर्जना भएको थियो । सो घोषणापछि नाडाको नेतृत्व चयन गर्ने पक्रिया थप जटिल बनेको थियो ।

तर बिहीवार नाडाका नेतृत्व अहिले को समयमा चुनाबी प्रक्रियाभन्दा सहमतिमै चयन हुनुपर्छ भन्ने धारण अनुरुप डल्लाकोटीले पनि चौधरीलाई नै अध्यक्षको रुपमा समर्थन गरेको नाडा स्रोतले जनाएको छ ।

सो समर्थनपछि करण चौधरी नै नाडाको अध्यक्ष हुने फेरि पक्का भएको छ भने चुनाव भने नहुने भएको छ ।