२३ जेठ २०८३, शनिबार
बार्सिलोना स्पेनिस सुपरकपको फाइनलमा प्रवेश गरेको छ । बिहीबार भएको दोस्रो सेमिफाइनलमा ओसासुनालाई २-० ले पराजित गर्दै बार्सिलोना फाइनलमा पुगेको हो ।
बार्सिलोनालाई जीत दिलाउन रोबर्ट लेवन्डोस्की र लामिन यामलले गोल गरे ।
आइतबार हुने फाइनलमा बार्सिलोनाले रियल मड्रिडको सामना गर्ने छ । एट्लेटिको मड्रिडलाई ५-३ ले हराउँदै रियल फाइनलमा पुगेको थियो।
पछिल्लो सिजनको फाइनलमा पनि रियल र बार्सिलोनाबीच प्रतिस्पर्धा भएको थियो। जसमा बार्सिलोना विजयी भएको थियो । बार्सिलोना कीर्तिमान १४ पटकको सुपरकप विजेता टोली हो ।
