२३ जेठ २०८३, शनिबार
चीनको दक्षिणपश्चिमी युनान प्रान्तमा सोमबार बिहान गएको पहिरोमा ४७ जना पुरिएका छन् । सोमबार बिहान ५ः५१ बजे झाओटोङ शहरको लियाङसुई गाउँमा गएको पहिरोमा उनीहरू पुरिएका हुन् ।
पहिरोका कारण कम्तिमा ५०० जना विस्थापित भएका छन् । पहिरोमा फसेकाहरूको उद्धारको प्रयास जारी रहेको चिनियाँ सरकारी सञ्चारमाध्यमले जनाएका छन् । बेपत्ताको खोजी गर्न ३३ वटा दमकल र १० लोडिङ मेसिनसहित २ सयभन्दा बढी उद्धारकर्ता परिचालन गरिएको छ ।
