०३ साउन २०८३, आइतबार
मीनबहादुर भाम निर्देशित फिल्म ‘शाम्बाला’ बर्लिन फिल्म फेस्टिभलको प्रमुख प्रतिस्पर्धातर्फ छनोट भएको छ ।
विश्व प्रतिष्ठित उक्त फेस्टिभलको अन्तर्राष्ट्रिय प्रतिस्पर्धाको विधामा छनोट हुने ‘शाम्बाला’ पहिलो नेपाली फिचर फिल्म हो । सोमबार ललितपुरमा आयोजित पत्रकार सम्मेलनमा बर्लिन फिल्म फेस्टिभलको लाइनअपको घोषणालाई देखाउँदै पोस्टरसमेत सार्वजनिक गरिएको छ ।
‘शाम्बाला’ले उच्च हिमाली गाउँकी एक गर्भवती महिलाले हराएका श्रीमान खोज्दाको कथा प्रस्तुत गर्छ ।
मीन र अविनाश विक्रम शाह लिखित फिल्म डोल्पाको ४२ सयदेखि ६ हजारको उचाइमा खिचिएको हो । ‘शाम्बाला’मा थिन्ले ल्हामो, सोनम तोपदेन, कार्म लगायतको अभिनय छ ।
यो फिल्म बन्न ८ वर्ष लागेको निर्माण टिमले जनाएको छ ।
