१६ असार २०८३, मंगलबार
भारतको केरलाको तिरुवनन्तपुरममा रहेको पद्मनाभ स्वामीको मन्दिर हिन्दुहरूका लागि पवित्र तीर्थस्थल हो । नेपालबाट पनि ठूलो संख्यामा तीर्थयात्रुहरू त्यहाँ पुग्छन् ।
भारतका प्रसिद्ध वैष्णव मन्दिरहरूमा यसको नाम लिइन्छ । यो भगवान् विष्णुको मन्दिर हो । यस मन्दिरको गर्भगृहमा भगवान् विष्णुको विशाल मूर्ति राखिएको छ । शेषनागमा शयन मुद्रामा भगवान् विराजमान हुनुहुन्छ ।
यो मन्दिर रहस्यले भरिएको छ । यहाँ अथाह सम्पत्ति छ । एक लाख ३२ हजार करोड रुपैयाँको सम्पत्ति भएको धनी मन्दिर हो यो । यस मन्दिरको रहस्यमय कथा पढेर तपाईँ आश्चर्यचकित हुनुहुनेछ ।
अठारौं शताब्दीमा त्रावणकोरका राजाहरूले पद्मनाभ मन्दिर बनाएका थिए । नवौं शताब्दीका ग्रन्थहरूमा समेत यस मन्दिरको चर्चा गरेको पाइन्छ । ती राजाहरूले आफ्नो सम्पूर्ण सम्पत्ति मन्दिरलाई दान गरेकाले पनि मन्दिर धनी भएको हो ।
सन् १९४७ मा भारत स्वतन्त्र भएपछि त्रावणकोरलाई आफ्नो अधीनमा नराखेर शाही परिवारलाई सुम्पेका थिए र शाही परिवारले एक प्राइभेट ट्रस्ट बनाएर मन्दिरको रेखदेख गरेका छन् ।
यो मन्दिरको सम्पत्ति र रहस्य जान्नका लागि मानिसले मुद्दा हालेपछि सर्वोच्च अदालतले मन्दिरको द्वार खोल्ने आदेश दियो । यसमा रहेका सातमध्ये ६ द्वार खोल्दा अथाह सम्पत्ति फेला प-यो भने रहस्यले भरिएको सातौं द्वार अझै खोल्न बाँकी छ ।
सातौं द्वारमा न कुनै चुकुल छ न त आग्लो नै । त्यहाँ त दुईवटा सर्पहरूको चित्र छ । ती सर्पले यस द्वारको रक्षा गर्छन् । नागबन्धम् भनिने यो द्वार खोल्नका लागि कुनै साँचो आवश्यक छैन, गरुड मन्त्र उच्चारण गर्दा यो खुल्छ ।
तर जो पायो त्यसले गरुड मन्त्र उच्चारण गरेर हुँदैन, सिद्ध पुरुष, योगी वा तपस्वीले मात्र उच्चारण गर्दा द्वार खुल्छ ।
नियमानुसार स्पष्ट उच्चारण गरेमा मात्र द्वार खुल्छ । गलत उच्चारण गर्ने व्यक्तिको तत्काल मृत्यु हुन्छ । द्वार खोल्नका लागि मुद्दा हाल्ने व्यक्तिको पनि शंकास्पद अवस्थामा मृत्यु भएको थियो ।
नब्बे वर्षीय तिरुनल मार्तण्ड वर्मा जो त्रावणकोर राजपरिवारका प्रमुख हुनुहुन्छ, उनले सातौं द्वार खोल्दा देशमा प्रलय आउनसक्ने भएकाले यसलाई रहस्यकै गर्भमा बस्न दिनुपर्ने बताएका छन् ।
धेरै मान्छेले मन्दिरको यो अथाह सम्पत्ति जनताको भलाइमा लगाउनुपर्ने बताएका छन् जुन सही पनि हो ।
द टेलिग्राफ
