२३ जेठ २०८३, शनिबार
नेपाली कांग्रेसको हिन्दुराष्ट्र पक्षधरले पार्टीको महासमिति बैठकअघि तयारी बैठक बोलाएको छ । बैठकमा आफूहरुको तर्फबाट राखिने मुख्य एजेण्डा तय गर्न फागुन ४ गतेका लागि बैठक बोलाइएको हो ।
सनातन हिन्दूराष्ट्र नेपाल स्थापना महाअभियान केन्द्रीय समन्वय समितिका सहसंयोजक लोकेश ढकालले फागुन ५ गते नयाँ बानेश्वरस्थित बानेश्वर बैकेटमा अपरान्ह १२ः३० बजेदेखि महासमितिमा उठान गर्ने प्रमुख एजेन्डाबारे छलफल हुने जानकारी दिए । उनले सोही बैठकमार्फत महाअभियानको घोषण पत्र जारी गरिने कार्यकमसमेत तय भएको समेत जानकारी दिए ।
आइतबार काँग्रेसका केन्द्रीय सदस्य एवं सांसद शंकर भण्डारीको अध्यक्षतामा बसुन्धरामा बसेको बैठकबाट सह–संयोजकद्वयमा देवेन्द्रराज कँडेल र लोकेश ढकाललाई चयन गरिएको छ । यस्तै कोषाध्यक्षमा भानुभक्त ढकाल चयन भएका छन् ।
यस्तै सल्लाहाकार परिषद्को संयोजकको जिम्मेवारी पूर्व केन्द्रीय सदस्य लक्ष्मणप्रसाद घिमिरेलाई जिम्मा दिइएको छ ।
