०९ साउन २०८३, शनिबार
नेकपा (माओवादी केन्द्र)को प्रथम विधान अधिवेशनको दोस्रो दिन बुधवार समूहगत छलफलबाट प्राप्त सुझाव सङ्कलन जारी छ ।
पार्टी अध्यक्ष एवं प्रधानमन्त्री पुष्पकमल दाहाल ‘प्रचण्ड’ले प्रस्तुत गरेकोे विधान मस्यौदामाथि समूहका संयोजकले सुझाव प्रस्तुत गर्ने काम भइरहेको हो ।
मङ्गलवारदेखि काठमाडौंको कमलादीस्थित प्रज्ञा प्रतिष्ठानमा शुरू भएको अधिवेशनमा सहभागीलाई विभिन्न २० समूहमा विभाजन गरिएको थियो ।
एक समूहमा कम्तीमा ५० जना प्रतिनिधि रहने गरी विधानमाथिको छलफलका लागि समूह बनाइएको थियो । सम्मेलनमा भाग लिन पार्टीका स्थायी समिति सदस्य, पोलिटब्युरो सदस्य, केन्द्रीय सदस्य, प्रदेशका पदाधिकारी, विभिन्न मोर्चाका संयोजकहरूको सहभागिता रहेको छ ।
बिहीवार विधान अधिवेशन सकिने माओवादी केन्द्रले जनाएको छ ।
