काठमाडौं, २२ असोज- नेपाल राष्ट्र बैंकले ३० वर्षे सेवा अवधि हटाएसँगै आर्थिक भार न्यूनीकरण हुने भएको छ । राष्ट्र बैंकले ३० बर्से कार्यकाल हटाएर उमेर हदका आधारमा ५८ बर्से एकद्वार अवकाश नीति बनाएसँगै राष्ट्र बैंकलाई हुने ठूलो आर्थिक भार कम हुने देखिएको हो ।
गत आइतबार राष्ट्र बैंक सञ्चालक समितिले अवकाश नीतिको विद्यमान अवस्थालाई परिमार्जन गर्दै ५८ वर्षे अवकाश नीति लागू गर्ने गरी रायका लागि लोक सेवा आयोग पठाइसकेको छ । लोक सेवाबाट राय आउनेबित्तिकै ३० वर्षे नियम हटेर ५८ वर्षे सेवा अवधि लागू हुने राष्ट्र बैंकले जनाएको छ । राष्ट्र बैंकले ५८ वर्षे अवकाश नीति लागू गरेसँगै ३ सयभन्दा कर्मचारीको सेवा अवधि लम्बिएको छ ।
जसले आगामी दिनमा बैंकिङ क्षेत्र सुधारमा ठूलो सहयोग पुग्न सक्ने राष्ट्र बैंक जनाएको छ, राजधानी दैनिकमा खबर छ ।
