काठमाडौं, २३ असोज–नयाँ बानेश्वरमा गोली लागेका निर्माण व्यवसायी महासंघका अध्यक्ष शरदकुमार गौचनको मृत्यु भएको छ । 

अध्यक्ष गौचनमाथी तीन गोली प्रहार भएको थियो । गोली लागेसँगै बानेश्वर मीनभवनस्थित सिभिल अस्पताल पुर्याइएको थियाे  । टाउको, बायाँ कोखा, छातीमा गोली लागेका गाैचनको गोली झिके लगत्तै मृत्यु भएको प्रहरीले जनाएको छ । 

शान्तिनगरको खरीबोट भन्ने ठाउँमा मोटरसाइकलमा आएका दुईजनाले अध्यक्ष गौचनमाथि गोली प्रहार गरेका थिए।

प्रहरी स्रोतका अनुसार २–३ सय मिटर अगाडिबाट गौचनमाथि गोली प्रहार भएको थियो । 

गोली प्रहार गर्ने व्यक्तिको खोजी भइरहेको प्रहरीले जनाएको छ ।