नेपाल 'ए' र आयरल्याण्ड एबीच आज तय भएको खेल रद्द भएको छ । कीर्तिपुरस्थित त्रिवि मैदानमा दिउँसो १ बजेका लागि तय भएको टी-२० क्रिकेट खेल वर्षाका कारण रद्द भएको नेपाल क्रिकेट संघ (क्यान)ले जनाएको छ । 

क्यानले संसोधित तालिका चाँडै प्रकाशन गरिने जनाएको छ ।

आयरल्याण्ड वुल्भ्ससँग नेपालको 'ए' टिमले टी-२० सिरिज र एकदिवसीय सिरिज खेल्ने तय भएको थियो । टी-२० सिरिज आजदेखि र एकदिवसीय सिरिज २१ गतेदेखि सुरू हुने घोषणा गरिएको थियो ।