सर्वोच्च अदालतले निलम्बित जिल्ला न्यायाधीश भुवन गिरीलाई थुनामा राखेर मुद्दाको पुर्पक्ष गर्न आदेश गरेको छ ।

बुधवार सर्वोच्च अदालतका न्यायाधीशद्वय हरिप्रसाद फुयाँल र तिलप्रसाद श्रेष्ठको संयुक्त इजलासले उक्त आदेश गरेको प्रवक्ता वेदप्रसाद उप्रेतीले बताए ।

वैवाहिक बलात्कारको आरोप लगाउँदै उनकी श्रीमती आरती गिरी रावलले मुद्दा दायर गरेकी थिइन् ।

सर्वोच्च अदालतमा आज मुद्दाको सुनुवाइ भइरहेका बेला आरतीले इजलासमै विष सेवन गरेकी थिइन् ।​

जिल्ला अदालत काठमाडौं र उच्च अदालत पाटनबाट उनलाई न्यायाधीश गिरीलाई धरौटीमा छाड्न आदेश भएको थियो ।

सर्वोच्च अदालतले उक्त आदेशलाई बदर गरेको छ ।

जिल्ला सरकारी वकिल कार्यालयले गिरीमाथि वैवाहिक बलात्कारको मुद्दा चलाएपछि उनी निलम्बनमा छन् ।

यस्तो छ आदेश