१२ असार २०८३, शुक्रबार
आगामी वैशाख १५ गते हुने उपनिर्वाचनका लागि भोलि उम्मेदवारी मनोनयन दर्ता हुँदैछ ।
इलाम २ को प्रतिनिधि सभा र बझाङ प्रदेश सभा १ मा हुने उपनिर्वाचनको लागि भोलि उम्मेदवारी दर्ता हुन लागेको हो ।
मुख्य निर्वाचन अधिकृतको कार्यालयमा बिहान १० बजेदेखि बेलुका ५ बजेसम्म उम्मेदवारको मनोनयन दर्ताको कार्यक्रम रहेको निर्वाचन आयोगले जनाएको छ ।
उम्मेदवारीमाथि चैत्र २५ गते बिहान १० बजेदेखि दिउँसो ३ बजेसम्म उम्मेदवारको विरोधमा उजुरी दिने समय तोकिएको छ ।
चैत्र २६ गते ६ बजेसम्म उम्मेदवारको नामावली प्रकाशन, चैत्र २७ गते बिहान ९ बजेदेखि दिउँसो १ बजेसम्म उम्मेदवारी फिर्ताका समय तोकिएको छ ।
२७ गते नै उम्मेदवारको अन्तिम नामावली प्रकाशन र उम्मेदवारलाई चुनाव चिन्ह प्रदान गर्ने कार्यक्रम रहेको आयोगले जनाएको छ ।
