०३ असार २०८३, बुधबार
मुग्लिन–पोखरा सडक योजनाको पूर्वी खण्ड अन्तर्गत तनहुँको व्यास–१ मुसेखोला नजिक सडक विस्तारका क्रममा पहिरो खस्ने जोखिम रहेको छ ।
सडकबाट करिब ७२ मिटरको उचाइमा एक सय मिटर जमिन चिरा परेर उच्च जोखिममा रहेको जिल्ला प्रहरी कार्यालय तनहुँले जनाएको छ ।
जुनसुकै समयमा पहिरो खस्नसक्ने खतरा देखिएकाले राजमार्ग भएर गुड्ने सवारी साधनलाई वैकल्पिक मार्गको प्रयोग गराइएको जिल्ला प्रशासन कार्यालय तनहुँले जनाएको छ ।
सहायक प्रमुख जिल्ला अधिकारी कमलराज भण्डारीले सडक योजनासँग समन्वय गरी वैकल्पिक मार्गको प्रयोग गर्न आग्रह गरेका छन् ।
उक्त राजमार्ग भएर गुड्ने सवारीसाधनलाई सोही वडाको तालघरेबाट व्यास–११ को रानीगाउँ हुँदै घाँसीकुवा निस्कने गरी भित्री सडक प्रयोगको लागि व्यवस्था मिलाइएको उनले बताए।
