०४ असार २०८३, बिहीबार
स्याङ्जाको आँधीखोलामा पौडी खेल्ने क्रममा डुबेर एक बालकको मृत्यु भएको छ ।
गल्याङ प्रहरी चौकीका अनुसार गल्याङ नगरपालिका २ गराङ्दी बस्ने भरत रानाका १४ वर्षीय छोरा युनिक रानाको आज बिहान डुबेर मृत्यु भएको हो ।
छ जना साथीहरू पौडी खेल्न गएका थिए ।
राना पानीको रहमा डुबेपछि स्थानीयबासीले गल्याङ प्रहरी चौकीलाई खबर गरेका थिए ।
बिहान १०:३० बजे रहमा बेपत्ता भएका रानाको खोजी गर्दा मृत फेला परेका हुन् ।
रानाको शव परीक्षणका लागि वालिङस्थित गह्रौं प्राथमिक अस्पतालमा पठाइएको गल्याङ प्रहरी चौकीले जनाएको छ ।
रानासँगै पौडी खेल्न गएका उनका साथीहरूलाई प्रहरीले सोधपुछ थालेको छ ।
