०५ साउन २०८३, मंगलबार
नेकपा माओवादी केन्द्र निकट अखिल नेपाल महिला संघ (क्रान्तिकारी) कोशी प्रदेशको नयाँ नेतृत्वमा विवाद देखिएको छ ।
आइतवारको अधिवेशनबाट अध्यक्षमा सहमति जुट्न नसक्दा सदस्य मात्रै छानेर बन्द सत्र स्थगित गरिएको छ । ९१ सदस्य कमिटी गठन गरेर पदाधिकारी एक हप्ताभित्रमा छान्ने गरी स्थगन गरिएको हो ।
विराटनगरमा आइतवार भएको प्रथम अधिवेशनबाट अध्यक्षसहित पदाधिकारी चयन हुन नसक्दा ९१ सदस्य गठन भएको हो ।
अनेमसंघ प्रदेश अध्यक्षमा दुई जनाको दाबी रहेपछि पदाधिकारी टुंगो नलागेको माओवादीका नेताहरूले बताएका छन् ।
अनेमसंघ प्रदेशको अध्यक्षमा नेकपा माओवादी केन्द्र प्रदेश सदस्य तथा महिला सङ्गठनको केन्द्रीय सचिवालय सदस्यद्वय मोरङ कि लता न्यौपाने र झापाकी निरु खतिवडाले दाबी नछाडेपछि अधिवेशन नेतृत्वविहीन बनेको हो ।
उनीहरूले अन्तिमसम्म अध्यक्षमा दाबी नछोडेपछि सर्वसम्मत नेतृत्व चयन हुन नसकेको हो ।
एक हप्ताभित्रमा पनि सहमति गर्ने र सहमति नभए निर्वाचनबाट नयाँ नेतृत्व चयन गर्ने माओवादी केन्द्रीय सदस्य गीता तिमल्सिनाले बताइन् ।
