२७ जेठ २०८३, बुधबार
राष्ट्रिय सभाको बैठक २ घण्टाका लागि सारिएको छ ।
दिउँसो १ बजेर १५ मिनेटका लागि तय गरिएको बैठक २ घण्टा पछाडि धकेलिएको हो ।
संसद् सचिवालयका सहायक प्रवक्ता दशरथ धमलाले दिउँसो ३ बजेर १५ मिनेटमा बस्नेगरी बैठक तय भएको जानकारी दिए ।
सहकारीको रकम अपचलनसम्बन्धी संसदीय छानबिन समिति गठनका लागि कार्यादेश टुङ्गो लगाउन अहिले सत्तापक्ष दल र प्रमुख प्रतिपक्षी दल नेपाली कांग्रेसबीच छलफल चलिरहेको छ ।
कार्यादेश टुङ्गो लाग्न नसकेपछि बैठक सारिएको हो ।
यसअघि प्रतिनिधि सभाको बैठक पनि दिउँसो २ बजे बस्ने गरी सारिएको थियो ।
