०८ साउन २०८३, शुक्रबार
प्रमुख प्रतिपक्षी दल नेपाली कांग्रेसको नाराबाजीकाबीच प्रतिनिधि सभामा प्रधानमन्त्री पुष्पकमल दाहाल प्रचण्डले विश्वासको मत लिँदैछन् ।
कांग्रेसको नाराबाजीका कारण विश्वासको मतसम्बन्धी संसदीय प्रक्रिया छोट्ट्याइएको छ ।
प्रधानमन्त्रीले विश्वासको मतको प्रस्ताव राखेपछि प्रतिनिधि सभाका सबै दलले छलफलमा भाग लिने र अन्तिममा प्रधानमन्त्रीले जवाफ दिने संसदीय परम्परा थियो ।
सोमबार प्रतिनिधि सभा बैठकमा प्रचण्डले बोलेपछि सत्तापक्षको तर्फबाट नेकपा एमालेका उपाध्यक्ष विष्णु पौडेलले मात्र बोलेका छन् ।
त्यसपछि सभामुखले छलफल छोट्याएर प्रचण्डलाई जवाफ दिन समय दिए ।
जवाफ दिन रोस्ट्रममा पुगेका प्रचण्डले कांग्रेसले गरेको अवरोध नेपालको इतिहासमा नकारात्मक घटनाको रूपमा अभिलेख हुने बताए ।
सोमवार दिउँसो साढे १२ बजेपछि मतविभाजन प्रक्रिया शुरू भएको छ ।
