विपक्षीको हो–हल्लाबीच प्रतिनिधिसभाबाट सरकारको नीति तथा कार्यक्रम पारित

विपक्षी दलका सांसदहरूको हो–हल्लाबीच प्रतिनिधिसभाबाट सरकारको नीति तथा कार्यक्रम पारित भएको छ ।

प्रमुख प्रतिपक्षी दल नेपाली कांग्रेसका सांसदको असहमतिका बाबजुद सभामुख देवराज घिमिरेले पारित भएको घोषणा गरेका हुन् । 

आइतबार बसेको बैठकमा प्रधानमन्त्री पुष्पकमल दाहाल प्रचण्डले नीति तथा कार्यक्रममाथि छलफल गरियोस् भन्ने प्रस्ताव पेश गरेका थिए ।

त्यसपछि सभामुख देवराज घिमिरेले संशोधनकर्ता सांसदलाई बोल्न दिए । यी सबै गतिविधि हुँदै गर्दा पनि प्रतिपक्षीको हो–हल्ला कम भएन । 

यसैबीच सभामुख घिमिरेले सरकारको नीति तथा कार्यक्रम पारित गरेको घोषणा गरेका हुन् ।