गायक भूपेश तिम्सिनाको ‘धेरै कोशिस’ सार्वजनिक

गायक भूपेश तिम्सिनाको पछिल्लो गीत ‘धेरै कोशिस’ सार्वजनिक भएको छ । भूपेशकै शब्द, संगीत, र स्वर रहेको गीतको भिडियो सार्वजनिक भएको हो ।

गीतको भिडियो भूपेशको अफिसियल युट्युब च्यानलमार्फत् सार्वजनिक गरिएको हो । 

निशान घिमिरेको निर्देशन रहेको गीतको म्युजिक भिडियोमा स्मारिका ढकाल र सुरेश कोहलीलाई फिचरिङ गरिएको छ । उत्तम हुमागाईंको छायांकन रहेको भिडियोमा सञ्जय अधिकारीको सम्पादन छ । गीतको भिडियोमा आफूले माया गर्ने मान्छेप्रतिको समर्पण भाव व्यक्त गरिएको छ । 

लामो समयदेखि अमेरिका बसोवास गर्दै आएका तिम्सिनाले धेरै नेपाली गीत गाएका छन् छ भने केही हिन्दी गीतमा समेत स्वर दिएका छन् ।