३० जेठ २०८३, शनिबार
युरोकप फूटबल प्रतियोगिताको तयारीस्वरुप खेलिएको मैत्रीपूर्ण खेलमा कप्तान क्रिस्टियानो रोनाल्डो चम्किएपछि पोर्चुगलले सहज जीत निकालेको छ ।
गएराति घरेलु मैदानमा भएको खेलमा पोर्चुगलले गणतन्त्र आयरल्यान्डलाई ३–० गोल अन्तरले हराएको हो ।
पोर्चुगलको जीतमा रोनाल्डोले २ गोल गरे भने १ गोल जाओ फेलिक्सको नाममा रह्यो ।
यससँगै रोनाल्डोले राष्ट्रिय टोलीको गोल संख्या १३० पुर्याएका छन् । यस क्रममा उनले २०७ खेल खेलेका छन् ।
राष्ट्रिय टोलीबाट सबैभन्दा बढी गोल गर्ने खेलाडीको अग्रस्थानमा रोनाल्डो नै छन् ।
यसअघिको खेलमा भने पोर्चुगल क्रोएसियासँग घरमै २–१ गोल अन्तरले पराजित भएको थियो ।
आगामी जुन १५ देखि जर्मनीमा युरोकप शुरू हुँदैछ । पोर्चुगलको समूहमा चेक गणतन्त्र, टर्की र जर्जिया छन् ।
