कुवेतको मङ्गाफ शहरमा रहेको एक आवासीय भवनमा आगलागी हुँदा कम्तीमा ४० जनाको मृत्यु भएको छ ।

बुधबार बिहान एक बहुतले भवनमा आगलागी भएको हो ।

प्रवासी मजदुरहरू बस्ने उक्त भवनमा आगलागी भएको कुवेतका गृहमन्त्रीलाई उद्धृत गर्दै बीबीसीले जनाएको छ । 

उक्त भवनमा नेपालीहरू समेत रहेको बताइए पनि त्यसको पुष्टि हुन सकेको छैन । 

स्थानीय समयअनुसार उक्त भवनमा बुधबार बिहान ६ बजेको समयमा आगलागी भएको हो ।

आगलागी नियन्त्रणमा आएसँगै कुवेतका उपप्रधानमन्त्री शेख फहाद युसुफ साउद अल–सबाह घटनास्थल पुगेका थिए ।

घटनाको विस्तृत विवरण आउन बाँकी छ ।