२८ जेठ २०८३, बिहीबार
नेपाली कांग्रेसका पूर्व सांसद जीतेन्द्रनारायण देव नेकपा एमाले प्रवेश गरेका छन् ।
सोमबार पार्टी केन्द्रीय कार्यालय च्यासलमा आयोजित समारोहमा एमाले अध्यक्ष केपी शर्मा ओलीले देवलाई पार्टी प्रवेश गराएका हुन् ।
देव गत फागुनसम्म नेपाली कांग्रेसको तर्फबाट राष्ट्रिय सभा सदस्य थिए । २०६३ सालमा मधेसी जनअधिकार फोरममा लागेका देव फोरम विभाजनपछि विजयकुमार गच्छदारको कित्तामा लागेका थिए ।
गच्छदार कांग्रेस प्रवेश गरेसँगै उनी कांग्रेसमा आएका थिए । बीचमा उनी संस्कृति, पर्यटन तथा नागरिक उड्डयन मन्त्री समेत बनेका थिए ।
