०८ साउन २०८३, शुक्रबार
काठमाडौं मेडिकल कलेजमा उपचाररत सौर्य एयरलाइन्सका चालक मनीषरत्न शाक्यको स्वास्थ्यमा सुधार आएको छ ।
कलेजका निर्देशक प्राडा मीना थापाले चालकको स्वास्थ्यमा सुधार आएको बताइन् । शाक्यको ढाडको एउटा हड्डी र देब्रेपट्टीको तीनवटा करङ भाँचिएकाले पूर्णरूपमा आराममा राखिएको उनले बताइन्।
'ढाडको हड्डी भाँचिएकाले हामीले पूर्णतया आराममा राखेका छौं,' उनले भनिन्, 'घर परिवारका बाहेकलाई भेट्न दिएका छैनौं ।'
यही साउन ९ गते काठमाडौंबाट पोखरातर्फ प्रस्थान गर्नेक्रममा सौर्य एयरको ९ एन एएमई जहाज त्रिभुवन अन्तर्राष्ट्रिय विमानस्थलमा दुर्घटना हुँदा जहाजमा सवार १८ जनाको निधन भएको थियो ।
उक्त दुर्घटनामा चालक शाक्य गम्भीर घाइते भएका थिए ।
उनको अनुहार, आँखा, नाक तथा टाउकोमा चोट लागेको बताइएको छ ।
