०५ साउन २०८३, मंगलबार
भारतीय खेलाडी मनु भाकेरले पेरिस ओलम्पिकमा भारतका लागि पहिलो पदक जितेपछि चीनले खुसी व्यक्त गरेको छ । भाकरले पदक जितेपछि नेपालका लागि चिनियाँ राजदूत चेन सोङले सामाजिक सञ्जालमार्फत् खुसी व्यक्त गरेका हु्न् ।
उनले भाकरको पोष्ट एक्समा रिपोस्ट गर्दै दक्षिण एसियाली महिलाहरूको लागि गौरवको विषय बनेको उल्लेख गरेका छन् । 'बधाई छ, दक्षिण एसियाली महिलाहरूको लागि रोल मोडेल र गौरव,' उनले लेखेका छन् ।
भाकरले १० मिटर एयर पिस्टलमा कास्य पदक जितेकी थिइन् । उनी सुटिङमा ओलम्पिक पदक जित्ने पहिलो भारतीय महिला खेलाडी हुन् ।
पेरिस ओलम्पिकमा कास्य पदक जितेकी भाकेरलाई भारतीय प्रधानमन्त्री नरेन्द्र मोदीले फोन गरी बधाई दिएका थिए ।
Congratulations, a role model and pride for South Asian women. https://t.co/E3s1flWKTq
— Ambassador Chen Song (@PRCAmbNepal) July 29, 2024
