आजपा निकट आम उद्योग वाणिज्य संघको प्रथम राष्ट्रिय भेलाबाट साजन कुमार जयसवालको नेतृत्वमा नयाँ कार्यसमिति चयन गरिएको छ । 

पार्टी अध्यक्ष प्रभु साहको अध्यक्षतामा राजधानीमा भएको भेलाबाट जयसवालको नेतृत्वमा नयाँ कार्यसमिति चयन गरिएको हो । 
जसअनुसार उपाध्यक्ष ४ जना, महासचिव १ जना, सचिव १ जना सहसचिव १ जना, कोषाध्यक्ष एक जना र बाँकी सदस्यसमेत गरेर १०१ जनाको कार्यसमिति चयन गरिएको छ ।  

भेलाले आम उद्योगी व्यवसायीहरुको पेशागत सुरक्षा, समृद्धि र सम्मानका लागि देशभर संगठन विस्तार तथा संघर्षका कार्यक्रमलाई अभियानको रुपमा अगाडि बढाउने निर्णय समेत गरेको संघले जनाएको छ ।