१६ असार २०८३, मंगलबार
प्रादेशिक अस्पताल भद्रपुरका कर्मचारी अस्पतालमै मृत भेटिएका छन् ।
जिल्ला प्रहरी कार्यालय झापाका प्रवक्ता कृष्णबहादुर चन्दका अनुसार २४ वर्षीय सुरज शर्मा अस्पतालभित्रै झुन्डिएको अवस्थामा फेला परेका हुन् ।
उनी अस्पतालको स्वास्थ्य बीमा शाखामा करारमा स्वास्थ्य सहायक पदमा कार्यरत थिए ।
यसैबीच इलाका प्रहरी कार्यालय काँकडभिट्टाको हिरासतमा रहेका एक थुनुवाको मृत्यु भएको छ ।
मृत्यु हुनेमा मेचीनगर नगरपालिका–७ पालिया का २८ वर्षीय झकबहादुर खड्का रहेका छन् ।
खड्का चार दिन अघि लागुऔषधसहित मेचीनगर–६ बाट पक्राउ परेका थिए ।
दुवै घटनामा थप अनुसन्धान भइरहेको प्रहरीले जनाएको छ ।
