१० साउन २०८३, आइतबार
प्रधानमन्त्री केपी शर्मा ओली काठमाडौं–तराई सुरुङ मार्ग अवलोकन तथा सुरुङ ब्रेक थ्रुका लागि मकवानपुर पुगेका छन् ।
मकवानपुरको बकैया गाउँपालिका– १२ धेद्रेस्थित सुरुङ ब्रेक थ्रुका लागि प्रधानमन्त्री ओली मकवानपुर पुगेका हुन् ।
१७२८ मिटर लम्बाइ रहेको सुरुङ सोमबार ब्रेक थ्रु हुँदैछ ।
धोद्रेकै जोडी सुरुङमध्ये निजगढबाट काठमाडौंतर्फ आउने १ हजार ६५३ मिटरको सुरुङ भने गत जेठमै छिचोलिएको थियो ।
ललितपुरको खोकनादेखि बाराको निजगढसम्म ७०.९७७ किलोमिटर द्रुत मार्ग निर्माणको काम २०७४ वैशाखदेखि नेपाली सेनाले गर्दै आएको छ ।
२०८१ मंसिरमा निर्माण सक्नुपर्ने गरी शुरू भएको कामका लागि २०८३ चैतसम्मको म्याद थपिएको छ ।
अहिलेसम्म ३५.३८% प्रतिशत भौतिक प्रगति भएको नेपाली सेनाले जनाएको छ ।
