काठमाडौं, १२ कात्तिक– नेकपा एमालेको स्थायी कमिटिको बैठक बसिरहेको छ ।
एमाले उपाध्यक्ष वामदेव गौतमको निवास भैसेपाटीमा जारी बैठकमा आगामी निर्वाचनको सीट वाँडफाँट लगायतका विषयमा छलफल भइरहेको बताइएको छ ।
आज समानुपातिक उम्मेदवारहरुको बन्दसूची संशोधनको अन्तिम दिन भएकाले यस विषयमा पनि एमाले बैठकमा छलफल जारी रहेको छ ।
वाम गठवन्धनका दलहरुले आजै उम्मेदवारी टुंगो लगाउने तयारी गरेका छन् । केही निर्वाचन क्षेत्रबाहेक नेकपा एमाले र माओवादी केन्द्रबीच कसले टिकट पाउने भन्ने सहमति जुटिसकेको छ ।
