११ साउन २०८३, सोमबार
अन्तर्राष्ट्रिय तेक्वान्दो निर्णायक अशोक खड्का किमुन्युङ कप जि–१ रयाङकिङ तेक्वान्दो प्रतियोगितामा निर्णायकको भूमिका निर्वाह गर्न आज दक्षिण कोरियाको मुजु प्रस्थान गरेका छन् ।
यही अगष्ट १७ देखि २० तारिखसम्म हुने उक्त प्रतियोगितामा अशोकले ग्योरोगी र पुम्सेमा निर्णायकको भूमिका निर्वाह गर्नेछन् ।
उक्त प्रतियोगितापछि अशोकले दक्षिण कोरियामै हुने १४ औँ आईओएफटीसी तेक्वान्दो प्रतियोगितामा पनि निर्णायकको भूमिका निर्वाह गर्नेछन् । अगष्ट २४ तारिखमा सिओलमा हुने आईओएफटीसीमा पनि आफूले ग्योरोगी र पुम्सेमै निर्णायकको भूमिका निर्वाह गर्ने अशोकले बताए ।
