०७ असार २०८३, आइतबार
सहकर्मीको बलात्कार र हत्या भएपछि भारतीय चिकित्सकहरूले देशव्यापी विरोध प्रदर्शन र हडताल गरेका छन् ।
पूर्वी शहर कोलकात्ताको एक सरकारी अस्पतालमा अगस्ट ९ मा ३१ वर्षीया व्यक्तिको रगतले लतपतिएको र क्रुर शव प्राप्त भएपछि देशव्यापी विरोध प्रदर्शन शुरू भएको हो ।
धेरै राज्यका सरकारी अस्पतालहरूमा उनीहरूले विरोध स्वरूप वैकल्पिक सेवाहरू ‘अनिश्चित कालका लागि’ बन्द गरेका छन् । सरकारी तथा निजी दुवै प्रणालीमा धेरै चिकित्सा सङ्गठनहरूले हडतालको समर्थन गरेका छन् ।
हत्याको निन्दा गर्न हजारौंले बुधबार रातभर कोलकत्ताको सडकहरूमा जुलुस निकालेका थिए ।
इन्डियन मेडिकल एसोसिएसनले निजी अस्पतालहरूमा सबै अनावश्यक र चिकित्सा प्रक्रियाहरू निलम्बन गर्दै शनिबार २४ घन्टाका लागि ‘देशव्यापी सेवाहरू बन्द गर्न’ आह्वान गरेको छ ।
शिक्षण अस्पतालको सेमिनार हलमा हत्या गरिएकी चिकित्सक फेला परेको र उनी लामो सिफ्टका क्रममा केही समयका लागि आराम गर्न त्यहाँ गएको भारतीय सञ्चारमाध्यमले बताएका छन् ।
भारतीय प्रसारक एनडीटीभीका अनुसार शव परीक्षणले यौन दुर्व्यवहार भएको पुष्टि गरेको छ । अदालतमा निवेदनमा पीडितका बुबाआमाले आफ्नी छोरीमाथि सामूहिक बलात्कार भएको आशंका गरेका छन् । रासस
