राष्ट्रिय स्वतन्त्र पार्टी (रास्वपा)ले केन्द्रीय समिति बैठकका एजेण्डा थप गरेको छ । 

 यसअघि रास्वपाले ७ वटा एजेण्डा तय गरेकोमा अहिले थपेर १० वटा कायम गरेको सहमहामन्त्री कवीन्द्र बुर्लाकोटीे जानकारी दिए । बैठक बुधबारदेखि सुरु हुँदैछ ।

बैठकबाट अनुशासनको कारबाहीलगायतका विषयमा आवश्यक छलफल हुनुका साथै पार्टीलाई प्रभावकारी ढंगले अघि बढाउने सन्दर्भमा महत्त्वपूर्ण निर्णय हुने बताइएको छ । 

बैठकका एजेण्डा– 
 १. समसामयिक राजनीति र पार्टी गतिविधि ।
२. राष्ट्रिय भेला ।
३. कर्णाली विशेष अभियान र सबै प्रदेशमा सभापति समेतको कार्यक्रम ।
४. संगठन निर्माण सम्बन्धी कार्यविधि संशोधन ।
५. केन्द्र तथा सातै प्रदेशको बन्द कार्यशालाको प्रतिवेदन र उपलब्धी बारे छलफल ।
६. स्थानीय तह उपनिर्वाचन बारे ।
७. संविधान दिवसको कार्यक्रम बारे ।
८. भ्रष्टाचारको मुद्दाको हदम्याद, वर्तमान सरकारबाट भएको शिक्षामा राजनीतिकरणको निरन्तरताको प्रयास र भ्रष्ट एवं स्वार्थ बाझिनेलाई मन्त्री नियुक्ति गरिएको बारे छलफल।
९. केन्द्रीय अनुशासन आयोगको सिफारिस सहितको प्रतिवेदन बारे ।
१०. विविध