०२ असार २०८३, मंगलबार
भारतको राजधानीका विभिन्न सपिङ मलहरूमा बम आक्रमणको धम्की आएको नयाँ दिल्ली प्रहरीले जनाएको छ ।
दिल्ली प्रहरीकाअनुसार चाणक्य मल्ल, सेलेक्ट सिटीवाक, एम्बियन्स मल, डीएलएफ, सिने पोलिस, प्यासिफिक मल, प्राइमस अस्पताल र युनिटी समूहमा बम विस्फोटको धम्की पत्र प्राप्त भएको थियो ।
सूचना प्राप्त हुनेवित्तिकै मलका अधिकारीहरूले दिल्ली प्रहरीलाई जानकारी दिएका थिए ।
दिल्ली प्रहरीले जानकारी पाएलगत्तै अनुसन्धान थालेको थियो । घटनास्थलमा बम डिस्पोजल टोली र दमकल पुगेको थियो ।
प्रहरीले धम्कीबारे अनुसन्धान गरिरहेको प्रहरीले जनाएको छ ।
गुरुग्रामको एम्बियन्स मलमा अगस्ट १७ मा बम आक्रमणको धम्की प्राप्त भएको थियो । तर खोजीका क्रममा कुनै संदिग्ध वस्तु फेला नपरेको गुरुग्राम प्रहरीले जानकारी दिएको छ ।
