२८ जेठ २०८३, बिहीबार
तनहुँको व्यास नगरपालिका– १२ घाँसी कुवामा पहिरो गएको छ ।
विस्तारको काम भइरहेको पृथ्वी राजमार्गअन्तर्गतको उक्त सडक खण्ड पहिरोपछि अवरुद्ध बनेको छ ।
सडक विस्तारका क्रममा भित्तो अग्लो भएको र लगातार वर्षापछि पहिरो गएको प्रहरीले जनाएको छ ।
जिल्ला प्रहरी कार्यालय तनहुँका प्रमुख एसपी वीरेन्द्रबहादुर शाहीका अनुसार अहिले पहिरोले ठूला गाडी रोकिए पनि साना गाडीलाई डाइभर्सन गरेर पठाइएको छ ।
उनले भने, ‘हामीले सडक डिभिजन कार्यालय र नगरपालिकासँग समन्वय गरेर पहिरो पन्छाउने विषयमा कुरा राखेका छौं । पहिरो पन्छिन केही समय लाग्छ ।’
