१५ असार २०८३, सोमबार
रुकुम पश्चिमको बाँफिकोट गाउँपालिका–१० बयाल्यामा वरुण धितालको घर भत्किँदा २२ बाख्रा मरेका छन् । बुधवार धितालको घर भत्किँदा २२ बाख्रा किचिएर मरेका हुन् । घरमा रहेका तीन बाख्रा भने घाइते अवस्थामा रहेको वडाध्यक्ष हरिबहादुर चन्दले जानकारी दिए ।
उनका अनुसार गत कात्तिक १७ गते जाजरकोट केन्द्र विन्दु बनाएर गएको भूकम्पले घर चिराचिरा परेको थियो । सोही घर भत्किँदा बाख्रा मरेका हुन् । घरमा रहेका अन्तपात र भाँडावर्तनमा पनि क्षति पुगेको वडाध्यक्ष चन्दले जानकारी दिए ।
घरपरिवार अस्थायी आवास (टहरो)मा बसेकाले मानवीय क्षति भने भएको छैन । अन्य क्षतिको विवरण सङ्कलन भइरहेको वडाध्यक्ष चन्दले जानकारी दिए । –रासस
