२९ जेठ २०८३, शुक्रबार
एआईजी श्यामलाल ज्ञवालीसहितका प्रहरी अधिकारीले दायर गरेको रिटमा अन्तरिम आदेश दिन सर्वोच्च अदालतले अस्वीकार गरिदिएको छ ।
न्यायाधीश सारंगा सुवेदीको एकल इजलासले बिहीबार उक्त रिटमा अन्तरिम आदेश दिन अस्वीकार गर्दै विपक्षीसँग लिखित जवाफ माग गरेको हो ।
दर्जाअनुसार विभिन्न उमेरमा हुने अवकाश कार्यान्वयन नगर्न माग गर्दै एआईजी श्यामलाल ज्ञवाली, डीआईजीहरू यज्ञविनोद पोखरेल, केदार ढकाल, राजेशनाथ बास्तोला र इन्स्पेक्टर नागेन्द्र ठाकुरले बुधबार सर्वोच्चमा रिट दायर गरेका थिए ।
सर्वोच्चले विपक्षीका नाममा कारण देखाऊ आदेश मात्र जारी गरेपछि ज्ञवालीलगायतको अवकाश नरोकिने भएको छ ।
