रसुवाको उत्तरगया गाउँपालिकामा पर्ने मैलुङ्ग झरना गर्मी छल्ने आन्तरिक पर्यटकको पहिलो रोजाइमा पर्ने गरेको छ । 

चलनचल्तीको रूपमा भाङ्गे झरनाको नामले समेत चिनिने मैनुङ्ग झरना अहिले सामाजिक सञ्जालमा समेत चर्चित भएको छ । 

सामाजिक सञ्जालमा भाइरल भएसँगै झरना हेर्न आउने, टिकटक बनाउने र रमाउने आन्तरिक पर्यटकको रोजाइमा परेको छ ।

राजधानी काठमाडौंदेखि करिब ७० किलोमिटर दूरीमा रहेको झरना मोटरबाइक र बसको प्रयोग गरी पुग्न सकिन्छ । जहाँ त्रिसुली नदी मुनिबाट बगेको छ भने मैलुङ्ग झरना माथिपट्टी रहेको छ । 

गर्मी बढेसँगै झरनामा गर्मी छल्न मान्छेको भीड बढ्ने गरेको स्थानीयहरू बताउँछन् ।