२५ जेठ २०८३, सोमबार
स्मार्टच्वाइस टेक्नोलोजिज (एससीटी)ले नेपालीहरूका पर्व हरितालिका तीज, दशैं तथा दीपावली आदिलाई लक्षित गरेर ‘तिर्की दाउ’ अफर सार्वजनिक गरेको छ ।
अफरअन्तर्गत ‘एससीटी–यूपीआई’ डेबिट कार्ड प्रयोगकर्ताले कुनै पनि खरिदमा ‘पीओएस’ मार्फत विद्युतीय कारोबार गर्दा ७७७ रुपैयाँसम्मको क्यासब्याक पाउने छन् ।
‘एससीटी–यूपीआई’ डेबिट कार्ड नभएका ग्राहकले कार्ड जारी गर्न एससीटीसँग आबद्ध बैंक तथा वित्तीय संस्थाहरूबाट प्राप्त गर्न सकिने कम्पनीले जनाएको छ ।
‘ग्राहकले यस अवधिमा ६ महिनादेखि प्रयोगमा नल्याएको ‘एससीटी–यूपीआई’ डेबिट कार्ड प्रयोग गरेमा १११ को क्यासब्याक र सबै प्रयोगकर्ताले तीन वा सोभन्दा धेरैपटक कारोबार गर्दा ३३३ रुपैयाँ क्यासब्याक प्राप्त गर्न सक्नेछन्,’ कम्पनीले मंगलवार जारी गरेको विज्ञप्तिमा भनिएको छ ।
साथै ग्राहकले सात वा सोभन्दा धेरै कारोबार गर्दा ७७७ रुपैयाँ क्यासब्याक पाउन सक्नेछन् । ‘हरेक कारोबारको रकम ५०० वा सोभन्दा धेरै हुनुपर्नेछ र एउटै टर्मिनलबाट दिनको एकपटकको कारोबार मात्र अफरका लागि मान्य हुनेछ,’ कम्पनीले भनेको छ ।
भारतमा पनि नेपाली रुपैयाँ २ हजार ५०० वा सोभन्दा धेरैको कारोबार गरेको खण्डमा नेपाली रुपैयाँ २५० को क्यासब्याक प्राप्त गर्न सकिने छ ।
यो अफर १ सेप्टेम्बरदेखि ३१ अक्टोबरसम्म लागू हुने कम्पनीले जनाएको छ ।
