३१ जेठ २०८३, आइतबार
तनहुँको भिमाद नगरपालिका–६ स्थित रङ्गशालानजिकै रुख काट्ने क्रममा च्यापिएर एक जनाको मृत्यु भएको छ ।
सोही वडाको मालेबगर बस्ने ५८ वर्षीय शेरबहादुर कुमालको बिहीवार मृत्यु भएको जिल्ला प्रहरी कार्यालय तनहुँले जनाएको छ ।
सिसौघारीमा रुख काटी डोरीले तान्ने क्रममा रुखले लागेर घाइते कुमाललाई प्राथमिक स्वास्थ्य केन्द्र भिमादमा उपचारका लागि लगिएको थियो ।
उपचारकै क्रममा उनको मृत्यु भएको जिल्ला प्रहरी कार्यालय तनहुँका प्रहरी नायब उपरीक्षक दीपक रायले जानकारी दिए । -रासस
