नेकपा एमालेका सांसद सूर्यप्रसाद ढकालले देशको अखण्डता विरोधी अभिव्यक्ति दिएको भन्दै नेकपा एकीकृत समाजवादीका सांसद मेटमणि चौधरीलाई देशद्रोहको मुद्दा लगाउन माग गरेका छन् ।

सोमबार बसेको प्रतिनिधिसभा बैठकको आकस्मिक समयमा सांसद ढकालले मेटमणिको अभिव्यक्ति आपत्तिपूर्ण रहेको बताएका हुन् । ​

मेटमणिले कालापानी, लिपुलेक र लिम्पियाधुरा भारतको रहेको भनेर दिएको अभिव्यक्तिलाई लिएर ढकालले देशद्रोहको मुद्दा लगाउन माग गरेका हुन् ।

‘यही संसद्का एकजना माननीय र पूर्वमनत्रीले संविधान विरोधी अभिव्यक्तिप्रति खेद व्यक्त गर्दछ । संविधानको अनुसूचीमा रहेको नक्साको विपरीत अभिव्यक्ति दिने उनलाई देशद्रोहको मुद्दा लगाउनुपर्छ’ ढकालले भने, ‘त्यस्तो अभिव्यक्ति दिएका सांसदको पद गएको उदाहरण छ । सदनले गम्भीर ढंगले लिएर छानबिन गरोस् ।’