३१ जेठ २०८३, आइतबार
कञ्चनपुरमा करेन्ट लागेर एक जनाको मृत्यु भएको छ ।
मृत्यु हुनेमा बेदकोट नगरपालिका- १ बस्ने ५५ वर्षीय टेकबहादुर मल्ल रहेका छन् ।
उनको शनिबार बिहान करेन्ट लागेर मृत्यु भएको प्रहरीले जनाएको छ ।
सोही नगरपालिका- १ चम्फापुर राडाहास्थित रुखको हाँगा काट्ने क्रममा उनलाई करेन्ट लागेको हो ।
रुखको हाँगा बिजुलीको तारमा खस्न गई तार चुँडिँदा करेन्ट लागेर घाइते भएका उनको महाकाली प्रादेशिक अस्पताल महेन्द्रनगरमा उपचारको क्रममा मृत्यु भएको हो ।
थप अनुसन्धान भइरहेको प्रहरीले जनाएको छ ।
