२८ जेठ २०८३, बिहीबार
शैक्षिक प्रमाणपत्र पेश गर्न नसकेपछि श्रीलंकाका लागि राजदूतमा प्रस्तावित रामकृष्ण भट्टराईले आफ्नो नाम फिर्ता लिएका छन् ।
स्नातक तह उत्तीर्ण भएको प्रमाणपत्र पेश गर्न समितिले मंगलबार दिउँसो ३ बजेसम्मको समय दिएको थियो ।
संसदीय सुनुवाइ विशेष समितिले मंगलबार उनको सम्बन्धमा निर्णय गर्ने तयारी गरेको थियो ।
भट्टराईले आफ्नो सुनुवाइ स्थगित गरिदिन समितिसमक्ष निवेदन दिएका थिए ।
विभिन्न १७ देशका लागि प्रस्तावित राजदूत मध्ये १६ जनाको सुनुवाइ सम्पन्न भइसकेको छ ।
भट्टराई नेपाली कांग्रेसको कोटामा राजदूत सिफारिश भएका थिए ।
