२३ जेठ २०८३, शनिबार
नेपाली कांग्रेसका सभापति शेरबहादुर देउवाले प्राकृतिक स्रोत विभागमा १० सदस्यलाई मनोनीत गरेका छन् ।
नेपाली कांग्रेसको विधान, २०१७ (संशोधनसहित)को धारा २५ (९) बमोजिम पार्टीका केन्द्रीय सदस्य तारामान गुरुङ प्रमुख रहेको उक्त विभागमा सदस्यहरू मनोनीत गरेका हुन् ।
मनोनीत हुनेहरूमा महेश श्रेष्ठ- भक्तपुर, सुरेन्द्रप्रसाद यादव- सप्तरी, शान्तिकला तामाङ राई- इलाम, तिलक गिरी- झापा, हरिशकुमार कार्की- जाजरकोट छन् ।
यसैगरी दिनेश कटुवाल- उदयपुर, रामकुमारी चौधरी- कैलाली, मुकुन्द गौतम- दाङ, नरबहादुर नेपाली- रुकुम (पश्चिम) र दामोदर शर्मा- पर्वत रहेका पार्टीका मुख्य सचिव कृष्णप्रसाद पौडेलले जानकारी दिए ।
