२३ जेठ २०८३, शनिबार
सहकारी ठगीका फरार अभियुक्त देवकुमार नेपालीलाई भारतको नयाँ दिल्लीमा पक्राउ परेका छन् ।
इन्टरपोलमार्फत रेड कर्नर नोटिस जारी भएका नेपाली इमेज सहकारीका संस्थापक अध्यक्ष हुन् ।
बागलुङको ढोरपाटन नगरपालिकाका मेयर समेत रहेका नेपालीविरुद्ध २०८० माघमा नेपाल प्रहरीको अनुरोधमा इन्टरपोले रेड नोटिस जारी गरेको थियो।
नेपाल प्रहरीका निमित्त प्रहरी महानिरीक्षक टेकप्रसाद राईले नेपाली दिल्लीमा पक्राउ परेको र कूटनीतिक पहलमार्फत उनलाई नेपाल ल्याउने तयारी भइरहेको जानकारी दिए।
१५०० भन्दा बढी बचतकर्ताको डेढ अर्ब बढी अपचलन गरेको मुद्दा जिल्ला अदालत बागलुङमा विचाराधीन छ ।
